Në Shqipëri palët reaguan pas vendimit të mbrëmshëm të Kolegjit Zgjedhor i cili urdhëroi numërimin e fletëve të votimit të hedhura në kutitë e gabuara në të gjitha qendrat e votimit të kryeqytetit ku materialet nuk janë hapur. Kryetari i partisë socialiste Edi Rama tha sot se opozitës nuk i ishte dhënë drejtësia e kërkuar. Nga ana e tij kandidati demokrat Lulzim Basha e përshëndeti vendimin e Kolegjit duke e konsideruar atë si në përputhje të plotë me parimin kushtetues të numërimit të çdo vote.
