Në Prishtinë, është shtyrë për të mërkurën procesi gjyqësorë kundër deputetit të Parlamentit të Kosovës, Fatmir Limaj dhe nëntë ish pjesëtarëve të Ushtrisë Çlirimtare të Kosovës, të akuzuar për krime lufte. Pasnesër pritet që gjykata të vendosë rreth kërkesave të mbrojtjes për shtyrjen e procesit deri në shkurt të vitit të ardhshëm. Akuza e cila i ngarkon zotin Limaj dhe bashkëpunëtorët e tij për krime lufte kundër popullatës civile dhe krime lufte kundër të burgosurve të luftës, është mbështetur mbi të dhënat e një dëshmitari të mbrojtur, i cili vrau veten në muajin shtator të këtij viti.
Shtyhet procesi gjyqësor kundër Fatmir Limajt dhe 9 ish pjesëtarëve të UÇK-së
