Autoritetet kufitare të Shqipërisë dhe Malit të Zi njoftuan sot në mesditë masa të reja për lehtësimin e procedurave të kalimit kufitar gjatë sezonit turistik veror. Në takimin e zhvilluar në pikëkalimin e përbashkët kufitar të Muriqan-Sugobinës me përfaqësues të agjencive turistike të të dy vendeve fqinjë, zyrtarë të policive kufitare të Malit të Zi dhe Shqipërisë pohuan se presin një rritje prej rreth 20 përqind të fluksit të kalimeve kufitare.
