Në Shqipëri vazhdon të jetë një situatë e tensionuar politike. Sot shumica e djathtë sulmoi ashpër Prokurorinë për lëshimin e urdhërit të arrestit ndaj drejtuesve të Gardës së Republikës, i cili refuzon të zbatohet nga policia. Sipas përfaqësusve të djathtë, kryeprokurorja e përgjithshme Ina Rama është bërë pjesë e skenarit të grushtit të shtetit. Nga ana tjetër vazhdojnë përpjekjet diplomatike për të qetësuar klimën e acaruar mes palëve, ndërsa opozita e cila sot mori pjesë në funeralet e dy prej viktimave të përleshjeve të dhunshme të së premtes, njoftoi se do të manifestojë në Tiranë sërish ditën e premte.
