Në Shqipëri presidenti Bamir Topi dekretoi sot ndryshimet e reja në qeveri që pasuan dorëheqjen e zëvendës kryeministrit dhe ministrit të Ekonomisë Ilir Meta. Ndërsa çështja e videos që coi në largimin e tij vazhdon të jetë në qendër të debatit politik. Kryeministri Sali Berisha sulmoi sërish kryetarin socialist Edi Rama se kish manipuluar regjistrimin dhe se më parë e kish përdorur atë për t’i bërë shantazh zotit Meta që të prishej koalicioni. Nga ana e tij zoti Rama duke bërë thirrje për protestën e 21 janarit deklaroi se koka e korrupsionit sipas tij është kryeministri Sali Berisha.
