Në Shqipëri parlamenti miratoi sot kërkesën e opozitës socialiste për ngritjen e një komisioni hetimor mbi veprimtarinë e këtij institucioni.
Kërkesa u votua pa debate dhe mori edhe votat e deputetëve të shumicës së djathtë.
Socialistët kërkojnë që të verifikojnë të gjitha procedurat e administrimit e të shërbimeve, përdorimin e fondeve si dhe procedurat e ndjekura në emërimet e institucioneve kushtetuese apo edhe integritetin e sistemit të votimit në sallën e parlamentit.
Opozita është ankuar shpesh se shumica sipas saj, ka abuzuar duke kufizuar të drejtat e deputetëve duke vënë në shënjestër kryetaren e parlamentit Jozefina Topalli.
