Rifillon procesi gjyqësor kundër deputetit Fatmir Limaj

Në Kosovë, sot rifilloi procesi gjyqësor kundër deputetit të Parlamentit të Kosovës Fatmir Limaj dhe nëntë ish pjesëtarëve të Ushtrisë Çlirimtare që akuzohen për krime lufte. Misioni i EULEX-it, kishte refuzuar kërkesën e avokatëve për largimin e prokurorit të këtij misioni Maurucio Salustro nga procesi gjyqësor, ndërsa seanca e sotme u përshkua nga këmbëngulja e mbrojtjes në këtë çështje dhe kërkesat për vërtetim të pohimeve të përmbledhura në akuzën që është ngritur në bazë të ditarit të dëshmitarit kryesor të çështjes, që nuk jeton më.