Bisedimet Kosovë - Serbi, do të vazhdojnë të hënën në Bruksel, pas një pushimi më të zgjatur për shkak të zgjedhjeve parlamentare të 16 marsit në Serbi. Takimi i së hënës, pritet të trajtojë çështjet që kanë të bëjnë me sistemin e drejtësisë në veriun e Kosovës dhe mënyrën e funksionimit të asociacionit të komunave me shumicë serbe. Beogradi thotë se do të shtrojë për diskutim edhe shqetësimet e pjesëtarëve të komunitetit serb lidhur me zgjedhjet e ardhshme parlamentare në Kosovë.
