Partia Socialista forca kryesore e opozitës, dhe disa aleatë të saj paraqitën sot dokumentat për regjistrimin e tyre në zgjedhjet vendore të 8 majit.
Partitë e opozitës i dorëzuan dokumentat në ditën e fundit të afatit ligjor për rregjistrim, ndërsa vendet e përfaqësuesve të tyre në komisionet zonale mbeten ende bosh dhe është zëvendësuar vetëm njëri prej anëtarëve për të garantuar funksionimin e këtyre komisioneve.
Socialistët kishin përsëritrur disa herë se bojkotimi i zgjedhjeve nuk ka qenë një alternativë e tyre, duke vënë theksin te nevoja e garancive për një proces zgjedhor të lirë e të ndershëm.
Deri më tani janë mbi 35 partitë politike të regjistruara në garën për zgjedhjet e 8 majit.
