Një banor i Vermoshit thotë se gjendja është shumë e vështirë

Gjovalin Pëllumbaj, banor i fshatit Vermosh në Komunën e Kelmendit, tha në një intervistë për Zërin e Amerikës se në disa zona të kësaj komune, lartësia ka arritur deri në tre metra e gjysëm. Ai tha se megjithëse kushtet e tanishme të dëborës janë të pazakonta, zona vazhdimisht ka reshje dëbore dhe duheshin marrë masat më parë. Ai tha se zona nuk ka mjek, energjia elektrike mungon dhe rezervat ushqimore po pakësohen. Zoti Pëllumbaj bëri thirrje për marrjen e masave të menjëhershme për lehtësimin e gjendjes.