Në Kosovë, vitet e fundit po zhvillohen debate nëse krijimi i shtetit të ri ka përcaktuar edhe krijimin e një identiteti të ri kombëtar. Sipas një pjese të studiuesve e publicistëve, kjo po ndodh dhe është pjesë e procesit shtet-formues, ndërsa sipas disa të tjerëve, identiteti shtetëror nuk i kundërvihet atij kombëtar. Debatet pritet të vazhdojnë edhe për faktin se Kosova sipas kushtetutës së saj është shtet shumetnik e shumëkulturor.
