Nënkryetari i Komunës Shalë të Dukagjinit përshkruan gjendjen

Nënkryetari i Komunës Shalë të Dukagjinit, Pal Shutani i tha Zërit të Amerikës se gjendja në 11 fshatrat e komunës së tij është shumë e rënduar nga moti i keq dhe 5 mijë banorët e saj janë tërësisht të bllokuar nga bora. Zoti Shutani tha se banorët kanë nevojë për ushqime, artikuj mjekësorë dhe kanë mungesa në energji elektrike. Zoti Shutani thotë se situata më e keqe, me reshjet më të mëdha që ai mban mend ka qenë në vitin 1985, por shton se edhe atëherë lartësia nuk e kalonte lartësinë prej 1 metër 50 centimetra, ndërkohë që dëbora e tanishme e kalon lartësinë prej dy metrash.