Në Kosovë, autoritetet thanë se kanë shtuar numrin e studentëve nga Lugina e Preshevës që mund të studiojnë në Universitetin publik të Prishtinës, ndërsa do të mbështesin edhe me tekste mësimore shkollat në atë zonë të banuar me shumicë shqiptare në jug të Serbisë. Vendimi ka pasuar kërkesat e udhëheqësve shqiptarë të Luginës të cilët ankohen për shumë vështirësi, në veçanti në fushën e arsimit, meqë atje nuk ka asnjë institucion të arsimit të lartë në gjuhën shqipe.