Ervin Mete, kryetar i partisë G-99, i tha Zërit të Amerikës se partia e tij i sheh ngjarjet e fundit në Shqipëri si shumë shqetësuese. Ai tha se akuzat e bëra ndaj institucioneve rrezikojnë zhvillimin e demokracisë në Shqipëri. Zoti Mete tha se partia e tij synon të sjellë një alternativë në debatin e tanishëm politik të vendit dhe të prodhojë politika perëndimore. Kjo parti, tha ai, synon gjithashtu të sjellë në politikën shqiptare të rinj të edukuar dhe të talentuar për një të ardhme më të mirë në vend. Zoti Mete ishte i ftuar për një intervistë drejtpërdrejt në studiot e Zërit të Amerikës.
