Në Prishtinë, Raportuesja e Parlamentit Evropian për Kosovën, Ulrike Lunacek, tha sot se Kosova duhet të përfshihet në procesin e liberalizimit të vizave dhe një veprim i tillë është në të mirë edhe të vet Bashkimit Evropian. Ajo tërhoqi vëmendjen se problemi nuk është vetëm tek pesë vendet e Bashkimit Evropian që nuk e kanë njohur pavarësinë e Kosovës. Zonja Lunacek u angazhua edhe për një proces të lirë e të drejtë të zgjedhjeve të 12 dhjetorit duke bërë thirrje për një pjesëmarrje sa më të gjerë në to.