Komandanti i krahut jugor të NATO-s, admirali amerikan Samuel Locklear, III, tha sot në Prishtinë se e ardhmja e Forcës së Sigurisë së Kosovës, është në duart e qytetarëve të vendit të cilët më 12 dhjetor në zgjedhjet parlamentare ,duhet të marrin vendime të mira për të ardhmen e tyre. Gjatë vizitës së tij të parë në Kosovë, ai i siguroi mikpritësit e tij se shkurtimi i trupave të KFOR-it, është pasqyrim i përmirësimit të gjendjes në vend.