Në Kosovë, udhëheqësi i lëvizjes Vetëvendosje, Albin Kurti, tha sot se Kosova mund të përfitojë nga bisedimet aktuale me Serbinë, vetëm nëse u jep fund atyre. Ai i bëri këto komente në prag të një raundi të ri bisedimesh ndërmjet Kosovës dhe Serbisë të ndërmjetësuara nga Bashkimi Evropian. Por, autoritetet në Kosovë, besojnë se në fund të bisedimeve që filluan më 8 mars, të dyja vendet do të jenë më afër strukturave euroatlantike.
