Kukësi është qyteti më i madh i zonës së largët Verilindore të Shqipërisë. Ndërtimi i autostradës Durrës-Kukës- Prishtinë dhe pikëkalimi kufitar i Morinit, në kufi me Kosovën, e kanë shndërruar këtë qytet në një nga qendrat më të rendësishme të vendit. Në zgjedhjet vendore të 8 majit, për Bashkinë e Kukësit rikandidon për një mandat të dytë kryetari i tanishëm Hasan Halilaj i Partisë Demokratike dhe Aleancës për Qytetarin dhe Alfred Cengu i Partisë Socialiste dhe Aleancës për të Ardhmen.
