Në Prishtinë, sekretari i përgjithshëm i NATO-s, Anders Fogh Rassmusen, tha se plani për ristrukturimin e KFOR-it parasheh që në terren në të ardhmen të mbeten rreth 2 mijë trupa, por ende nuk dihet se kur do të përmbushen këto plane. Ai tha se çdo ndryshim do të mbështetet në vlerësimet e hollësishme të situatës së sigurisë në Kosovë, e cila sipas tij po përmirësohet në vazhdimësi.