Në Prishtinë sot i përfundoi punimet takimi treditësh ndërkombëtarë me temën “Partneriteti për Paqe - Fuqizimi i Gruas”, në të cilin morën pjesë mbi 200 gra nga vende të ndryshme të botës. Takimi u përmbyll me miratimin e disa parimeve që synojnë fuqizimin e rolit të gruas në shoqëri, ekonomi dhe politikë. Gjatë tri ditëve të takimit, është thënë se nuk mund të ketë demokraci pa barazinë e gruas, roli i së cilës është cilësuar thelbësorë edhe në zgjidhjen e konflikteve.