Në Kosovë vazhdon të mbetet e paqartë rrjedha e formimit të institucioneve në bazë të zgjedhjeve parlamentare të 8 qershorit. Gjykata Kushtetuese e Kosovës anuloi zgjedhjen e kryetarit të parlamentit, duke e njohur Partinë Demokratike si grupin më të madh parlamentar që ka të drejtën e propozimit të kryetarit të Parlamentit. Por, nuk dihet ende se çfarë do të ndodhë nëse ajo nuk siguron votat e mjaftueshme.
