Në Kosovë, autoritetet vendase kanë kritikuar ashpër Misionin e Bashkimit Evropian për policinë dhe drejtësinë, për mënyrën e zhvillimit të hetimeve në Ministrinë e Transporteve dhe Telekomunikacionit një javë më parë. Ndërkaq, zyrtarët të EULEX-it thanë se sundimi i ligjit duhet të funksionojë në mënyrë të pavarur dhe pa ndërhyrje politike. Të dyja palët theksojnë se lufta kundër korrupsionit është përparësi e punës së tyre, por mospajtimet kanë të bëjnë me mënyrën e zhvillimit të hetimeve për këtë çështje.