Në Kosovë, Dita Ndërkombëtare e Gruas, është shënuar me thirrjet për përballjen me sfidat e trashëguara nga e kaluara dhe nevojën për respektimin e të drejtave të grave ashtu siç shkruhet edhe në ligjet e vendit. Grupe të grave sot protestuan në qendër të Prishtinës duke kërkuar më shumë angazhim të institucioneve vendase e ndërkombëtare për ndriçimin e fatit të personave të zhdukur gjatë luftës në Kosovë.
