Viti 2015 në Kosovë është përshkuar me protesta, migrime masive si dhe një krizë politike që pasoi marrëveshjen për krijimin e asociacionit të komunave me shumicë serbe dhe asaj për kufirin me Malin e Zi. Përveç nënshkrimit të Marrëveshjes së Stabilizim Asociimit me Bashkimin Evropian, Kosova edhe këtë vit e përmbylli duke mbetur e fundit në proceset integruese. Ajo edhe në vitin 2015 u përball me shkallë të lartë të papunësisë dhe mbeti e radhitur në mesin e vendeve me shkallë të lartë të korrupsionit. Një pasqyrë të zhvillimeve gjatë këtij viti në Kosovë, e sjell korrespondenti ynë në Prishtinë, Besim Abazi.
