Në Prishtinë, analisti David Phlips, i Institutit Kombëtar Amerikan për Politikën e Jashtme, tha sot se pavarësisht se cili do të jetë opinioni i Gjykatës Ndërkombëtare të Drejtësisë, Kosova është e pavarur dhe do të jetë e tillë përgjithmonë. Gjatë një debati të organizuar nga Klubi për Politikën e Jashtme, ai tha se opinioni i Gjykatës do të pasohet nga një periudhë bisedimesh me Serbinë, prandaj Kosova duhet të hyjë në atë periudhë duke tejkaluar problemet me të cilat përballet aktualisht dhe ku në radhë të parë është shkalla e lartë e korrupsionit.