Nënpresidenti amerikan Joe Biden, i dha fund të mërkurën vizitës në rajon duke lënë prapa mesazhet për ripajtim dhe përmbyllje të çështjeve që lidhen me marrëdhëniet fqinjësore. Një ditë pas vizitës, në Kosovë autoritetet ritheksuan zotimin për përmbushjen e detyrimeve për zbatimin e marrëveshjeve me vendet fqinje, përfshirë edhe atë për shënimin e kufirit me Malin e Zi. Partia më e madhe opozitare, lëvizja Vetëvendosje paralajmëroi ndërkaq protestë brenda dhe jashtë parlamentit në ditën kur kjo marrëveshje do të hidhet për miratim.
