Komuniteti çam në Shqipëri përkujton shpërnguljen e vitit 1944 nga Greqia

Disa mijëra banorë të komunitetit çam përkujtojnë këto ditë shpërnguljen nga shtëpitë e tyre që sot ndodhen në territorin e Greqisë. Mjaft prej banorëve në moshë të thyer që kanë përjetuar shpërnguljen, kërkojnë që Greqia t'i lejojë të shkojnë për të parë ngrehinat e shtëpive dhe varret e të afërmve. Kjo sipas tyre edhe në kuadër të liberalizimit të vizave që Shqipëria ka me Bashkimin Europian.