Presidentja e Kosovës Atifete Jahjaga tha sot se Kosova nuk do të jetë strehë e asnjë forme të ekstremizmit ndërsa duhet ta bëjë përparësi luftën kundër korrupsionit, që sipas saj po e dëmton rëndë të ardhmen e qytetarëve të saj. Gjatë fjalimit vjetor në Parlamentin e Kosovës, presidentja Jahjaga vlerësoi lartë marrëveshjet për normalizimin e marrëdhënieve me Serbinë, por bëri thirrje që zbatimi i saj të jetë kusht për përparimin e shtetit serb drejt integrimeve evropiane.