Fule në Beograd: Kusht për fillimin e negociatave, marrëdhëniet me Kosovën

Komisionari për zgjerim i Bashkimit Evropian, Stefan Fule, tha sot në Beograd se kushti kryesor për fillimin e negociatave me Serbinë për anëtarësim në Bashkimin Evropian është përparimi në marrëdhëniet me Kosovën. Kjo nënkupton vazhdimin e bisedimeve të ndërmjetësuara nga Bashkimi Evropian të cilat u ndërprenë për shkak të zhvillimeve në veriun e Kosovës ku banorët serb po kundërshtojnë vendosjen e autoriteteve të Prishtinës në kufirin me Serbinë.