Zyrtarët në Kosovë thonë se gjendja në veri është e qetë

Në Kosovë autoritetet e sigurisë thanë se gjendja në veriun e vendit është e qetë, ndonëse rrugët kryesore që çojnë në vendkalimet kufitare me Serbinë, vazhdojnë të mbetet të bllokuara nga banorët serbë. Përfaqësuesit e tyre thanë se nesër do të vendosin për largimin e tyre, si pjesë e marrëveshjes së arritur me KFOR-in për tejkalimin e situatës në veri. Ndërkohë, zyrtarë të lartë të Bashkimit Evropian u kanë bërë thirrje Prishtinës dhe Beogradit që të ulin tensionet dhe të mos humbin mundësinë për afrim me strukturat e Bashkimit Evropian.