Në Prishtinë, analistët thonë se opinioni i Gjykatës Ndërkombëtare të Drejtësisë lidhur me pavarësinë e Kosovës, nuk do të jetë i prerë por do të hapë rrugë për debate të reja lidhur me marrëdhëniet ndërmjet Kosovës dhe Serbisë. Në një bisedë me Zërin e Amerikës, analisti Ramush Tahiri, thotë se nuk mund të ketë ndryshim të statusit të Kosovës, por në lojë janë shumë mundësi, përfshirë mundësinë e një autonomie për veriun e vendit me shumicë serbe e deri tek mundësia e bisedimeve për shkëmbim të mundshëm të territoreve.