Analistët mendojnë se Kosova duhet të mendojë për perspektivat integruese

Situata e krijuar në veriun e Kosovës po ndiqet me shqetësim nga dy ekspertë këtu në Uashington, të cilët megjithatë besojnë se me vullnetin e duhur të Beogradit dhe Prishtinës tensionet mund të zbuten. Ish-ambasadori i Shteteve të Bashkuara në NATO, Kurt Volker dhe nënpresidenti për programet në Fondin Gjerman Marshall të Shteteve të Bashkuara, Ivan Vejvoda janë të një mendimi për të mos ta larguar vëmendjen nga perspektiva e integrimit, por kanë mendime të ndryshme për statusin e Veriut të Kosovës.