Në Kosovë, partitë politike pohojnë se dorëheqja e zotit Fatmir Sejdiu nga posti i presidentit të vendit në fillim të javës, nuk ka lënë rrugedalje tjetër përveç zgjedhjeve të parakohshme. Por, ato ende nuk kanë arritur të bien dakord për kohën e mbajtjes së tyre dhe për momentin ka propozime nga më të ndryshmet, që nga ato që zgjedhjet mund të mbahen këtë vit e deri tek ato që zgjedhjet të mbahen në pranverën e vitit të ardhshëm.