Në Kosovë, Ministri i Transporteve dhe Telekomunikacionit Fatmir Limaj, i tha Zërit të Amerikës se institucionet e vendit janë të vendosura të ndërtojnë autostradën Morinë - Prishtinë - Merdare me çdo çmim, përveç atij të dëmtimit të shtetit. Në një bisedë me korrespondentin tonë në Prishtinë, Besim Abazi, ministri Limaj thotë se punimet për ndërtimin e autostradës do të fillojnë në muajin maj, ndërsa i vlerëson të natyrshme shqetësimet e ngritura rreth këtij projekti që vlerësohet më i madhi i financuar nga buxheti i vendit.