Vetëvendosje kërkon drejtësi për vrasjet e 10 shkurtit 2007

Në Kosovë, lëvizja Vetëvendosje shënoi sot pesë vjetorin e vrasjes së dy personave dhe plagosjen e dhjetëra të tjerëve gjatë një demonstrate të kësaj lëvizjeje. Vrasjet ndodhën gjatë ndërhyrjes së policisë për të shpërndarë protestat e Lëvizjes Vetëvendosje kundër procesit të negocimit të statusit të Kosovës dhe planit të kryenegociatorit të Kombeve të Bashkuara Martti Ahtisaari, në bazë të cilit është shpallur pavarësia e Kosovës.