Vetëm pak orë pasi Serbia mori statusin e vendit kandidat për anëtarësim në Bashkimin Evropian, pjesëtarët e misionit evropian për sundimin e ligjit në Kosovë, nuk u lejuan të lëvizin në veriun e Kosovës nga grupet e qytetarëve serb. Përfaqësuesit e serbëve në zonë kundërshtojnë marrëveshjet ndërmjet Prishtinës dhe Beogradit që i mundësuan Serbisë të marrë statusin e kandidatit, meqë sipas tyre kjo nënkupton pajtim me pavarësinë e Kosovës.