Shefi i diplomacisë italiane, Franco Frattini, tha sot pasdite në Prishtinë se ka marrë pëlqimin e Prishtinës dhe Beogradit për të marrë pjesë në takimin e lartë të Bashkimit Evropian me vendet e Ballkanit perëndimor në fillim të muajit qershor në Sarajevë. Ai tha se të dyja palët janë pajtuar me propozimin që në takim, pjesëmarrësit të përfaqësohen me emrat personal e jo me emrin e shtetit. Kundërshtimi i pavarësisë së Kosovës nga ana e Beogradit ka bërë që deri tani takimet e tilla të jenë të pamundura.