Një tërmet ka goditur Serbinë sot në mëngjes, duke vrarë të paktën dy veta në një shtëpi që u shemb duke plagosur të paktën 50 të tjerë.
Zyrtarët serbë thonë se tërmeti prej 5,3 ballësh e kishte epiqendrën pranë qytetit të Kralevës, ku energjia elektrike dhe shërbimet e tjera u ndërprenë për shkak të dëmit të konsiderueshëm.
Tërmeti u ndje në të gjithë vendin dhe 150 kilometra larg në kryeqytetin Beograd.