Në Kosovë, zyrtarët e policisë tha se në orët e hershme të mëngjesit të sotëm, në veri të vendit janë djegur dy makina, pronë e dy pjesëtarëve të komunitetit serb.
Incidentet të cilat kanë ndodhur në komunën e Zveçanit, dhe në veriun e Mitrovicës, dy zona këto të banuara me shumë serbe, kanë kaluar pa pasoja në njerëz. Autoritetet e policisë thonë se janë duke zhvilluar hetime intensive, por ende nuk dihet asgjë për autorët apo motivet e mundshme të incidenteve. Policia i cilësoi incidentet si shkaktim të rrezikut të përgjithshëm.
Policia nuk bëri të ditur identitetin e të dëmtuarve, por burimet lokale thonë se pronarët e makinave janë të afërt me institucionet e Kosovës.