Në rrugët kryesore të qytetit të Shkodrës, u zhvillua një manifestim kundër fenomenit të gjakmarrjes. Manifestimi mori shkak nga vrasja, rreth një javë më parë, në qendër të qytetit të Shkodrës, e një pastori, vrasje të cilën Kisha Ungjillore "Fjala e Krishtit" e ka cilësuar me motive gjakmarrjeje. Vitet e fundit, rastet e vrasjeve për gjakmarrje janë paksuar në Shqipëri. Megjithatë, strukturat shtetërore nuk kanë arritur ta ndalojnë plotësisht këtë fenomen, të shtrirë sidomos në veri të vendit.