Para pak ditësh u shpallën kandidaturat për konkurentët për çmimin prestigjoz, ”Globi i Artë." Ceremonia e 62-të e ndarjes së çmimeve do të zhvillohet me 16 janar dhe trasmetohet drejtëpërdrejt në të gjithë botën.
Filmi ”Sideways” ka kryesuar ceremoninë e filmave që konkurojnë për çmimin Globi i Artë në shtatë kategori. Për filmin më të mirë të zheanrit të komedisë dhe muzikës, tre propozime për aktorët si dhe për regjizurën më të mirë, ndërkohë që aktori Jamie Foxx u propozua për tre çmime.
Ndërkohë filmi që akoma nuk ka dalë në kinema "The Aviator" ka marrë gjashtë propozime, përfshi këtu edhe kategorinë e dramës dhe filmit më të mirë.
Tjetër filma të propozuar në kategorinë e dramës ishin edhe ”Closer”; "Finding Neverland," si dhe historia e krijuesit të filmit Peter Pan J.M. Barrie; "Hotel Rwanda," i cili flet për genocidin në atë vend.
Përkrah filmit ”Sideways” në kategorinë e filmit më të mirë muzikor apo komik, konkurojnë edhe "Eternal Sunshine of the Spotless Mind"; filmi vizatimor me aventura super-heroike "The Incredibles"; "The Phantom of the Opera," si dhe filmi biografik rreth legjendes së muzikësm Ray Charles , "Ray."
Akori që luan Ray, Jamie Foxx është propozuar për aktorin më të mirë të filmave në zheanrin e muzikës dhe komedisë në këtë fil si dhe për aktorin e dytë më të mirë në filmin me Tom Cruise ”Collateral” ku luan rolin e një shoferi taksie të marrë peng nga një vrasës me pagesë, Tom Cruise. Gjithashtu Foxx konkuron edhe për aktorin më të mirë në filmin mini-serial "Redemption."
Deri tani, aktorët janë propozuar për dy çmime brenda një viti, Jamie Foxx është i pari që thyen këtë rekord me tre kandidatura.
Ylli i filmit ”The Aviator”, Leonardo DiCaprio është propozuar për çmimin e aktorit më të mirë në kategorinë e filmave dramatik.
Aktoret që kryesuan në kandidaturat për filmat dramatik janë Scarlett Johansson me filmin "A Love Song for Bobby Long," Nicole Kidman në rolin e një gruaje që vizitohet nga një djalë që thotë se është burri i vdekur i sajë në filmin "Birth"; Imelda Staunton në filmin "Vera Drake"; Hilary Swank në rolin e boksieres në "Million Dollar Baby" dhe Uma Thurman në rolin e një ish vrasësje që kërkon të hakmerret në pjesën e dytë të filmit "Kill Bill"
Globet e Arta ndahen nga Organizata e Shtypit të Huaj në Hollywood, një shoqatë e vogël prej rreth 90 gazetarësh që raportojnë për agjencitë dhe stacionet e huaja të medias.
Globet e Arta u paraprijnë çmimeve Oscar si dhe në të shumtën e rasteve përcaktojnë edhe fituesit e tyre. Vitin e kaluar, Globet e Arta parashikuan fituesit kryesorë të çmimeve Oscar në kategoritë më të rëndësishme, përfshi këtu edhe kampionin fitues të çmimeve "The Lord of the Rings: The Return of the King" si dhe aktoret Sean Penn, Charlize Theron, Tim Robbins dhe Renee Zellweger.
Fituesit e Globit të Artë do të publikohen disa ditë para shpalljes së kandidaturave për çmimet Oscar. Kjo u jep pak shanse kohe për të menduar votuesve të Çmimeve të Akademisë siç quhen ndryshe Oscars.
Konkuruesit në kategorinë e regjisorit më të mirë janë Alexander Payne me filmin "Sideways" dhe Martin Scorsese me filmin "The Aviator." Kandidatët tjerë janë Clint Eastwood për filmin "Million Dollar Baby," Marc Forster me "Finding Neverland" dhe Mike Nichols me filmin "Closer."
Çmimet e Globit të Artë përfshijnë 13 kategori në film dhe 11 në televizion.