Mbretëresha Elizabetë e Anglisë do të nderojë me titull kalorësie themeluesin e kompanisë Microsoft, Bill Gates.
Ministria e Jashtme në Londër bëri sot të ditur se zoti Gates, që mendohet se është njeriu më i pasur i botës, do të marrë një titull kalorsiak që u rezervohet vetëm shtetasve jo-britanikë.
Ministria e Jashtme tha se Britania dëshironte të nderonte atë që e cilësoi si kontribut të shquar të zotit Gates për biznesin, punësimin dhe veprimtaritë vullnetare në Britani. Ajo përmendi gjithashtu përpjekjet e tij për të luftuar varfërinë në botë.
Një zëdhënës i zotit Gates tha se drejtuesi i Mikrosoftit e ndjen veten mjaft të nderuar për këtë titull.//ii