Komiteti Ndërkombëtar i Kryqit të Kuq thotë se sistemi shëndetësor në Bagdad është shkatërruar praktikisht pas tri ditësh plaçkitjeje dhe u ka bërë thirrje urgjente trupave të koalicionit që të rivendosin rregullin.
Me anë të një deklarate, Kryqi i Kuq tha se ishte tepër i alarmuar nga kaosi në Bagdad dhe pjesë të tjera të Irakut. Vjedhjet dhe anarkia përfshinë edhe Mosulin pasi forcat irakiane e lanë qytetin në duart e koalicionit.
Zyrtarët ushtarakë amerikanë thonë se forcat e koalicionit do të bëjnë ç’të munden për të kontrolluar trazirat civile në Bagdad dhe qytete të tjera, por se misioni i tyre parësor është eliminimi i vatrave të izoluara të rezistencës irakiane.// lk //