Aeroplanët amerikanë dhe britanikë bombarduan një objekt kundërajror të Irakut për shkak se avionët që patrullonin zonën jugore në të cilën ndalohen fluturimet irakiane, u qëlluan me raketa dhe artileri.
Ky ishte shkëmbimi i parë i zjarrit pas pranimit nga Saddam Husseini të rezolutës së Kombeve të Bashkuara, e cila kërkon çarmatosjen e Irakut.
Administrata e Presidentit Bush mendon se sulmet irakiane kundër avionëve të forcave aleate përbëjnë shkelje të rezolutës së Kombeve të Bashkuara.
Sipas njoftimeve, me këtë pikpamje nuk bashkohen vendet e tjera anëtare të përherëshme të Këshillit të Sigurimit.
Por zyrtarët amerikanë thonë se incidenti në fjalë mund të përfshihet në raportin që do të hartohet për Këshillin e Sigurimit si shkelje e kërkesave të rezolutës.
Ndërkohë, inspektorët e Kombeve të Bashkuara pritet të arrijnë në Irak të hënën për të filluar kërkimin e armëve të ndaluara./ii