Presidenti rus Vladimir Putin arriti në Gjermani për dy ditë bisedime, që pritet të përqendrohen në luftën kundër terrorizmit, krizën në Lindjen e Mesme dhe marrëdhëniet e reja midis Rusisë dhe Perëndimit.
Zoti Putin u prit nga kancelari Gerhard Shrëder me ceremoni zyrtare ushtarake në qytetin lindor të Weimarit.
Dy udhëheqësit pritet të diskutojnë mbi përparimin e bërë në krijimin e një suaze të re të marrëdhënieve Rusi-Nato në prag të fazës së dytë të zgjerimit të aleancës nga fundi i këtij viti.
Pritet që në bisedime të diskutohet edhe për takimin e nivelit të lartë që do të zhvillohet muajin e ardhshëm midis zotit Putin dhe Presidentit Bush në Moskë.