Kina tha se do t’u japë vendeve
afrikane një hua prej 10 miliardë dollarësh me shkallë të favorshme interesi
për një peridhë 3-vjeçare.
Kryeministri i Kinës, Uën Gja Bao e bëri këtë njoftim sot në Egjipt, në hapje të
forumit dy-ditor lidhur me bashkëpunimin kino-afrikan.
Kryeministri kinez tha gjithashtu se Kina do të anullojë borxhet që i kanë asaj
disa prej vendeve më të varfëra të Afrikës si dhe premtoi të ndihmojë në
ndërtimin e 100 projekteve energjetike në këtë kontinent.
Në takim marrin pjesë udhëheqësit e 49 vendeve afrikane për të diskutuar rreth
bashkëpunimit ekonomik e politik me Kinën.
Kompanitë kineze kanë investuar miliarda dollarë në Afrikë gjatë dekadës së
kaluar në kërkim të materialeve dhe tregjeve për ekonominë në rritje të Kinës.
Kritikët thonë se Pekini ndihmon qeveri të akuzuara për shtypjen e popujve të
tyre, veçanërisht Sudanin dhe Zimbabvenë. Në fjalimin e tij sot, kryeministri
Uën tha se Afrika është e aftë të zgjidhë problemet e saj, duke përdorur forma
afrikane. //mm//