Autoritetet serbë thanë se përfaqësues të parlamentit të Serbisë do të qëndrojnë në veriun e Kosovës për të mbështetur qytetarët serbë që kundërshtojnë pavarësinë e Kosovës. Në Prishtinë ndërkaq, autoritetet thanë se po bëjnë të gjitha përgatitjet që kremtimet me rastin e njëvjetorit të pavarësisë të jenë të qeta. Beogradi vazhdon të kundërshtojë pavarësinë e Kosovës, të cilën e kanë njohur deri më sot 54 vende të botës.//lk
