Raportet midis dy partnerëve të koalicionit qeveritar në Maqedoni, Bashkimi Demokratik për Integrim dhe VMRO-DPMNE duket se janë ftohur pas një aksioni të policisë maqedonase në dhjetra shtëpi të shqiptarëve në Shkup, Kumanovë dhe Haraçinë, në kërkim të personave të dyshuar për vrasjen e një polici, disa kohë më parë. Opozita shqiptare, ndërkohë, e shikon gjendjen si mjaft të acaruar. Në të shumtën e rasteve, policia ka bërë bastisje pa urdhër të gjykatave përkatëse.
