Autoritetet amerikane në shtetin e Kalifornisë i kanë urdhëruar sot mijëra njerëz të largohen nga shtepitë e tyre ndërsa zjarret e pa kontrolluara kanë arritur në zonat e banuara në jug të këtij shteti.
Në Los Anxhelos, zjarri i fuqizuar nga erërat e uraganit të një shpejtësie prej 120 kilometra në orë, kaploi një lagje dhe për një kohë të shkurtër ai rrethoi një spital duke shkaktuar ndërprerjen e energjisë elektrike.
Zjarrëfikësit vazhdojnë të luftojnë me zjarret, që filluan mbrëmë. Departamenti i Zjarrëfikësve thotë se zjarri kërcënon të paktën 1 mijë shtëpi dhe ka plagosur rëndë një person.
Flakët kanë shkuar deri në bashkësin e Santa Barbarës në Monteçito, një zonë ku banojnë njerëz të famshëm. Banorët e më shumë se 5 mijë shtëpive janë evakuuar që nga koha kur atje zjarret filluan mbrëmjen e së enjtës.
Zjarret kanë shkatërruar më shumë se 110 shtëpi, ndër ato ishin shtëpi të mëdha dhe prona luksoze. Raportohet të ketë së paku 13 të plagosur.//lk