Industria e filmit në Amerikë po bëhet gati të hedhë në treg filmat e rinj, të cilët do të
pasojnë kalendarin veror të këtij viti. Fabula intriguese, aksion, humor dhe
subjekte të bazuar në histori të vërteta; ky do të jetë pak a shumë kalendari i
sezonit të ardhshëm të filamve në Amerikë.
John Kusak është zëri kyesor në filmin "Igor", një film vizatimor, i
cili tregon historinë e një njeriu që ndihmon një shkencëtar të njohur në
kërkimet e tij. Dëshira për të qenë dhe
ai shkencëtar i vlerësuar për kërkimet e tij me qëllime jo në të mirë të
njerëzimit; kjo është fabula e filmit "Igor" , i cili do të nisë të shfaqet në
kinema më 19 shtator.
The Longshot" është filmi për historinë e vërtetë të Jasmine Plumner, e cila në moshën 11 vjece, ishte e para vajzë që luante në turin e futbollit Pop Warner, duke shënuar një kthesë në historinë 56 vjecare të këtij organizmi. Personazhi kryesor interpretohet nga Keke Palmer. Filmi do të nisë të shfaqet në Amerikë më 25 korrik.
"X-Files: I Want To Belive", është ekranizimi i dytë për ekranin e gjerë, i serialit të mirënjohur televiziv me të njëjtin titull. David Duchovny dhe Gillian Anderson do të jenë sërish bashkë në këtë film në rolet e tyre Fox Mulder dhe Dana Scully. Ende fabula e filmit nuk është publikuar, por realizuesit e tij thonë se ky do të jetë një film i veçantë dhe i pandikuar nga fama e serialit "X-Files".
Emra të njohur të
ekranit, kanë bashkëpunuar në filim "Madagscar: Escape 2 Africa". David
Schwimmer, Ben Stiller, Sacha Baron Cohen, Jadda Pinket Smith, Chris Rock, janë
zërat të cilët do të dublojnë personazhet e dashura për fëmijë në serinë e dytë
të "Madagascar"Escape 2 Africa". Filmi do të jetë i pranishëm në kinema duke
filluar nga data 7 nëntor.
"The Express" është
filmi i cili i kushtohet jetës së një prej emrave më të njohur të futbollit të
kolegjit amerikan, Ernie Davis. Ai
ishte afrikano-amerikani i parë i cili fitoi çmimin Heisman. Filmi rrëfen
pengesat e mëdha që i janë dashur Ernie Davis (interpretuar nga Rob Brown) për
të arritur të spikasë në futbollin universitar amerikan. Aktori Denis Quaid
interpreton trajnerin e tij Ben Schwartzwalter. Filmi do të jetë në kinematë
amerikane duke filluar nga 10 tetori. //rd//